[ندعوك للتسجيل في المنتدى أو التعريف بنفسك لمعاينة هذه الصورة]الموضوع كله محتاج
1- اعرف عدوك
2- عزيمة وإطمئنان
3- إمكانيات متاحة
4- غلق كل منافذ عليه
5- مواظبة
6- صبر
حب الشباب
عارفة والله قد ايه البنات بيعانوا من الحبوب وخصوصا فى بلادنا اللى نسبة الرطوبة والتلوث بيزيد من المشكلة
لدرجة النهاردة بشوف بنوتة عندها 12 سنة وبشرتها متبهدلة . فى الوقت اللى لسة هتبص لنفسها فى المراية وتحاول لفت الأنظار
تهجم عليها الحبوب تبوظ نفسيتها 180 درجة.وتلاقيها تكنسل خروجاتها مع صحباتها وتغطى نصف وشها بالطرحة والباقى
بالميكب .
أنا بقول لكل بنوتة خليكى مستعدة لليوم ده بأسلحة مهمة جدا ووعى كبير عشان تعدى من غير أثار على بشرتك
أول ماتحسى بيها بتوشوش خدودك حضرى الصابونة الطبية المطهرة للبشرة . وفيه أنواع صابون مش بس مطهر
ده كمان فيه عناصر مذيبة للدهون اللى فى البشرة واللى هى أساس تكون الحبوب( .طبعا الحبوب بتبدأ نتيجة تغير هرمونى
ولو لقيتى نفسك كل ماتعالجيها بترجع يبقى ده ميكروب فى الدم وعاوز مضاد حيوي زى ( إيريثروسين)+ معالج سطحى للحبوب(مهمممممممم)
ويستحسن يكون مائى لأنه بيتغلغل بسرعة لداخل المسام والبشرة بتستفيد من كل نقطة فيه .التركيبات دى بتبقى غنية بالمطهرات
ومذيبات الدهون والمستخلصات اللى بتحتوى على عناصر تسرع بناء الأنسجة التالفة عشان مايحصلش حفر عميقة تشوه وجهك فى المستقبل.
كل ماكان المحلول المعالج خالى من المضاد الحيوي كلما كانت الحبوب سريعة فى العلاج حتى لو رجعت تانى . وحذارى من الكورتيزون
اللى بيضعف طبقة الجلد وبيعمل ضمور لها ويخلي جلدك كأنه شفاف من شدة ترققه.كمان أكل الخميرة البيرة حاولى تواظبى عليه
3 مرات اسبوعيا ده هينظف البطن وعلى فكرة فيتامين أ اللى فى الخميرة مهم قوى للجلد والجلد مراية الجسم من جوه وفيه دلوقت حبوب خميرة طبيعية فى الصيدليات لو مش حابة أكلها.
كترى من أكل الخضروات والفاكهة وقللى من الدهون والسكريات البسيطة والشيكولاته .وإحمى وشك بواقى من الشمس مناسب للون بشرتك ويكون نوع حلو زى فوتوديرم ويكون للبشرة الدهنية .ونامى كويس وبلاش سهر لأنه بيقلل مناعة الجسم
أما البقع اللى بتظهر بعد الحبة فعليكى باستعمال الماسكات الطبيعية اللى بتجدد الجلد بسرعة وتقشره وتفتح لون البقعة.
الأربعاء مارس 10, 2010 5:28 pm
